ஹரிணி கோவிலுக்குச் செல்கிறாள்!

sweetgirl

குழந்தைகளுக்கான புத்தகம் எழுதுவது இதுவே முதல் முறை. இதை நான்  வெளியிடுவது iBook for iPad என்ற நோக்கோடு தான். கதையை கீழே தந்துள்ளேன். Bulletin points ல் உள்ள கதைக்கு ஏற்றவாறு  வண்ணப் படம் வரைபவரைத் தேடிக் கொண்டிருக்கிறேன்.  பதினைந்து பக்கப் புத்தகமாக இது வெளிவரும் என்று நம்புகிறேன்.  இது ஒரு சுய வெளியீடு ஆதலால் முன் பணமாக என்னால் எதுவும் தர இயலாது. ஆனால் லாபத்தைப் பங்குப் போட்டுக் கொள்ளலாம் 🙂 அன்பும் ஆர்வமுமே இந்த முயற்சிக்குக் காரணம். அதே எண்ணம் உடைய எவரேனும் என்னுடன் கூட்டு சேர்ந்தால் நன்றாக இருக்கும். உங்களுக்குத் தெரிந்த எவரேனும் இதில் ஆர்வமுடயவராய் இருந்தால் தெரியப் படுத்துங்கள் 🙂 என் email id is sushima18@gmail.com.

ஹரிணி கோவிலுக்குச் செல்கிறாள்!

  1. மூன்று வயதே நிரம்பிய ஹரிணி தினமும் தன் தாத்தாவின் கைகளைப் பிடித்துக் கொண்டு கோவிலுக்குச் செல்கிறாள். அவள் விடி காலையில் குளித்து முடித்து பளிச்சென்ற உடையில் எப்பொழுதும் அழகாகக் கோவிலுக்கு செல்கிறாள்.
  2. அவள் வீட்டிலிருந்து நாலு வீடு தள்ளி தான் கோவில் உள்ளது. பக்தர்கள் அருகில் இருந்தும் தொலைவில் இருந்தும் அந்த கோவிலுக்கு வருவார்கள்.
  3. ஹரிணியும் அவள் தாத்தாவும் கோவில் வாசலில் உள்ள பூக்கடையில் வாசனை மல்லிகையும் அர்ச்சனை தட்டும் வாங்குகிறார்கள். அர்ச்சனை தட்டில் உள்ள பொருட்கள் என்ன என்ன என்று சுட்டிக் காட்ட முடியுமா?
  4. கோவில் வாசலில் செருப்புக்களை அவிழ்த்துவிட்டு கோவில் உள்ளே நுழைத்து அங்கே உள்ள குழாயில் காலைக் கழுவிக் கொள்கின்றனர். சில்லென்று காலில் நீர் படவும் ஹரிணிக்கு அது ரொம்பப் பிடித்திருக்கிறது!
  5. அவள் முதலில் விநாயகர் சந்நிதிக்கு ஓடிப் போகிறாள். விநாயகர் சிவபெருமானுக்கும் பார்வதி தேவிக்கும் பிறந்த மகன். அவர் வாழ்க்கையில் வரும் இடர்களைப் போக்கும் முழுமுதற்கடவுள்.
  6. அவள் தாத்தா சொல்லிக் கொடுத்தப்படி கை விரல்களை மடக்கிக்கொண்டு நெற்றிப் பொட்டில் குட்டிக் கொள்கிறாள். பிறகு உட்கார்ந்து எழுந்து சில முறை தோப்புக்கரணம் போடுகிறாள். இந்த இரண்டு செயல்களுமே மூளையின் செயல் திறனை அதிகப் படுத்தும் காரணிகள்.
  7. கோவிலில் உள்ள அர்ச்சகர் பிள்ளையாருக்கு மலர்கள் தூவி அவரின் நூத்திஎட்டு பெயர்களைச் சொல்லி அர்ச்சனை செய்கிறார். பிறகு தேங்காயை உடைத்து வாழைப் பழங்களையும் தேங்காயையும் இறைவனுக்குப் படைக்கிறார். தொடுத்த மலர்களை இறைவன் மேல் சாத்தி கற்பூர தீபம் ஏற்றி ஆரத்தி காட்டுகிறார்.
    archakar
  8. அதற்கு பின் அர்ச்சகர் தேங்காய் பழப் பிராசதத்தை ஹரிணியின் தாத்தாவிடம் தருகிறார். பின்னர் அங்கே வழிபடக் கூடியிருந்த அனைத்து பக்தர்களுக்கும் விபூதி பிரசாதம் அளிக்கிறார்.
  9. பிறகு ஹரிணியும் அவள் தாத்தாவும் கோவிலில் உள்ள மற்ற தெய்வங்களை வரிசையாகச் சென்று வணங்குகின்றனர்.
  10. அங்கு வீற்றிருக்கும் கடவுள்கள் யார் யாரென்று உங்களால் சொல்ல முடியுமா?
    1. பார்வதியுடன் சிவபெருமான்
    2. விநாயகரின் தம்பி முருகப் பெருமான்
    3. சிவபெருமானுக்கும் மோகினி அவதாரத்தில் இருந்த மகாவிஷ்ணுவுக்கும் பிறந்த சுவாமி ஐயப்பன்
    4. துர்கை அம்மன்
    5. தட்சிணாமூர்த்தி
  11. ஒவ்வொரு தெய்வத்தையும் வணங்கிய பின் அந்த சந்நிதியை தாத்தாவும் பேத்தியும் பக்தியுடன் வலம் வருகின்றனர்
  12. அரசமரத்தடியில் இருக்கும் நாகருக்கு ஒரு பெண் தானே பூஜை செய்கிறாள். அவளே முதலில் தண்ணீராலும் பின் பாலாலும் நாகரை நீராட்டுகிறாள். பின் மஞ்சள் குங்குமம் இட்டு பழங்களை சமர்ப்பித்து கற்பூர ஆரத்தி காட்டுகிறாள்.
  13. அடுத்து ஹரிணியும் அவள் தாத்தாவும் நவக்கிரகங்களை வழிபடுகின்றனர். நவக்கிரகங்கள் நவகோள்களைக் குறிக்கின்றன. தாங்கள் எடுக்கும் முயற்சி திருவினையாக வேண்டும் என்று இருவரும் வழிபட்டு ஒன்பது முறை வலம் வருகின்றனர்.
  14. பிறகு இருவரும் அங்கு கட்டப்பட்டிருக்கும் திண்ணையில் சிறிது நேரம் அமைதியாக அமருகின்றனர். கோவிலை விட்டு கிளம்பும் முன் அமைதியாக சிறிது நேரம் அமர்ந்துவிட்டு செல்வது முக்கியம்.
  15. அப்பொழுது கோவிலில் ஒரு சேவகர் சுண்டல் பிரசாதம் கொடுப்பதைப் பார்த்து ஹரிணி ஓடிப் போய் தன் பங்கைப் பெற்றுக் கொள்கிறாள். அவளுக்கு சுண்டல் என்றால் அலாதிப் பிரியம்.
  16. கோவிலில் அனைவருக்கும் ஹரிணியை ரொம்பப் பிடிக்கும். அவள் ஒரு சிரிக்கும் மத்தாப்பு. ஹரிணியும் அவள் தாத்தாவும் கோவிலை விட்டுக் கிளம்பும் பொழுது பூ விற்கும் பெண்மணி அவள் கையில் அழகிய சிவப்பு ரோஜாவை கொடுக்கிறார். ஹரிணியும் அதை மகிழ்ச்சியுடன் பெற்றுக் கொண்டு வீட்டுக்குச் செல்கிறாள்.

girltemple

Advertisements

7 Comments (+add yours?)

  1. T Padmhasini
    Jan 10, 2013 @ 15:45:39

    This is simply superb! குழந்தைகளுக்கான ஒரு கோயில் சம்பிரதாய கையேடு-வழிகாட்டி. Must publish! All the best!

    Reply

  2. ரசனைக்காரன்
    Jan 11, 2013 @ 05:37:37

    Cute..Would come out great when illustrated with a cute girl in pavadai sattai 🙂

    Reply

  3. kamala chandramani
    Jan 14, 2013 @ 13:54:05

    மிகவும் நன்றாக இருக்கிறது. குழந்தைகளுக்கு கோயில்களைப் பற்றி அறிந்து கொள்ள உதவும்.

    Reply

  4. sukanya (@sukanya29039615)
    Feb 28, 2013 @ 12:40:46

    Very nice. I need to preserve this for my grandchildren.

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: