Tamil Tweeter Of The Year 2016 – @savidhasasi

savidha1

வருடம் ஒருவருக்கு தமிழ் ட்வீட்டர் விருதினை அளிப்பதை ஒரு நல்ல பழக்கமாய் தொடர்கிறேன். இந்த வருட தமிழ் ட்வீட்டர் ஆஃப் தி இயர் விருதினை @savidhasasi அவர்களுக்கு அளிப்பதில் பெரு மகிழ்ச்சி அடைகிறேன். முதல் முறையாக இவ்விருதினை ஒரு பெண் பெறுகிறார்.

2013ல் இந்த விருதினை திரு @kanapraba பெற்றார். அந்தப் பதிவு இங்கே. 

2014 இவ்விருதினை திரு @ragavanG பெற்றார். அப்பதிவின் சுட்டி இங்கே.

2015ல்  @IamVariable இவ்விருதினை பெற்றார். அப்பதிவின் சுட்டி இங்கே

இவ்விருதிற்கான விதி முறைகளை இங்கே மீண்டும் குறிப்பிடுகிறேன்.

  1. கீச்சுக்கள் யார் மனத்தையும் புண்படுத்தாமல் பொழுதுபோக்கு அம்சத்தோடு இருத்தல்.

2. கீச்சுபவர் அறிவு சார்ந்த விஷயங்களை அறிந்தவராக இருத்தல்.

3. இனிமையானத் தன்மை உடையவராக இருத்தல்.

4. டிவிட்டரில் தன இருப்பை நிலை நாட்டிக் கொள்பவர்.

சசித்ரா/சவிதாசசியின் ட்விட்டர் ஹேன்டிலை பாலோ செய்பவர்களுக்கு அவரின் அருமையான ட்வீட்களைப் பற்றி தெரிந்திருக்கும். அவர் இவ்வருட சிறந்த தமிழ் ட்வீட்டர் விருதினைப் பெறுவதற்கு முழு தகுதியானவர் என்பதை முழு மனத்துடன் அனைவரும் ஒத்துக் கொள்வர் என நம்புகிறேன்.

அவரைப் பற்றி ஒரு சிறிய அறிமுகம். ஏழ்மையான குடும்பத்தில் பிறந்த முதல் தலைமுறை பட்டதாரி இவர். மருத்துவ இளநிலை படிப்பில் கல்லூரியில் (Distinction and Gold medal) முதல்நிலை, மகப்பேறு மேற்படிப்பில் மருத்துவப் பல்கலைக்கழகத்தில் முதன்மை நிலை (University Top rank Holder) விருதுகள் படிப்பில் இவர் சாதனை.

தொழிலில் அர்ப்பணிப்பு, எளிமை, கனிவான பேச்சு, கடமையுடன் கருணை என கிட்டத்தட்ட 20 வருடமாக மகப்பேறு மருத்துவத்தை நேசிப்புடன் ஏற்று தொழிலாற்றுபவர். இவருடைய அன்பிலும் கவனிப்பிலும் மனம் குளிர்ந்த இவரிடம் பிரசவம் பார்த்த தாய்மார்கள் நிறையப் பேர் இவரது பெயரையே தமது பெண் குழந்தைக்கு வைத்தது அநேகம் முறை நடந்திருக்கிறது என்றால் வெறும் பணத்திற்காக வேலை செய்யும் மருத்துவருக்கும் இவருக்கும் உள்ள வித்தியாசத்தை உணரலாம்.

மேட்டுப்பாளையம் அருகில் தனி மருத்துவமனை அமைத்துள்ளார். மேலும் ஏழைகளின் மருத்துவச் செலவைக் குறைக்கும் எண்ணத்தில் ஒரு அறக்கட்டளை ஆரம்பித்து நடத்தி வருகிறார்.

கற்ற கல்வியும், நேர்ந்த அனுபவங்களும், தனது மருத்துவ அறிவும் தன்னிடம் மருத்துவம் பார்க்காதவர்களுக்கும் பயன்பட வேண்டும், நம்பிக்கை அளிக்க வேண்டும் என்று எல்லோருக்குமான மருத்துவக் குறிப்புகளை பகிர்ந்துகொள்ள அவர் தேர்ந்தெடுத்தது நமது ட்விட்டரை.

கொஞ்சும் தமிழில் கொஞ்சம் மருத்துவம் என்ற அவரின் தொடர் மருத்துவ கீச்சுகள் இங்கே பிரபலம். ஒவ்வொரு நோய் பற்றி, அவை வரும் காரணங்கள் முதல் அதற்கான சிகிச்சை முறை, வராமல் தடுக்கும் முறை, என பல தகவல்களை எளிய முறையில் சின்ன சின்னக் கீச்சுக்களில் தினம் காலையில் நமக்களிப்பது இவரின் இனிய காலைப் பணி. இது மிகப் பெரிய சேவை. சமூக ஊடகத்தை சரியான முறையில் மக்கள் மேம்பாட்டுக்குப் பயன்படுத்துகிறார். சுருங்கச் சொல்லி விளங்க வைப்பதில் இவர் சமர்த்தர். அந்தக் கலை தான் இவர் ட்வீட்கள் மூலம் சொல்லும் அறிவியல், மருத்துவத் தகவல்களை நம்மை ஈர்த்துப் படிக்க வைக்கின்றன. நோய்களைப் பற்றிய தவறான எண்ணங்களை களைந்தெடுக்கிறார். ஒவ்வொரு நோயைப் பற்றியும் அனைத்து விவரங்களையும் எளிய முறையில் அனைவருக்கும் புரியும்படி சொல்கிறார். இவருடைய ட்விட்டர் பக்கம் ஒரு தகவல் களஞ்சியம்! பொழுது போகவில்லை என்றால் இவர் பக்கத்துக்கு சென்று படித்துக் கொண்டிருக்கலாம்.

மேலும் ஆன்மிக ட்வீட்களும், கவிதை நயமான ட்வீட்களும் இவருக்கு சரளமாக வரும். இவர் பெரும் படிப்பாளி என்பதை இவர் எடுத்துப் போடும் திருமூலர், திருவள்ளுவர், ஆழ்வார்கள், பாரதி முதல் ஓஷோ, ஜிப்ரான், சுஜாதா வரையிலான செய்யுள்/சொன்ன வரிகள் உணர்த்தும். இயற்கையை நேசிப்பவர் இவர் என்பதையும் இவர் கீச்சுக்கள் உணர்த்துகின்றன. மறந்தும் யாரையும் அவரின் கீச்சுக்கள் புன்படுத்தியதில்லை. எந்த ட்வீட்டர் என்ன சந்தேகம் கேட்டாலும் உடனே பதிலளிக்கும் தன்மையுடையவர். நகைச்சுவை உணர்வும் மிக்கவர்.

மேலும் “கருவாகி, உருவாகி, உயிராகி” என்ற மகப்பேறு குறிப்பு மற்றும் விளக்கவுரையாக தமிழில் மகப்பேறு மருத்துவத்தை பதிவு செய்துள்ளார். தமிழில் மருத்துவத்தை தடம் பதிக்கவும், அவற்றை புத்தகமாக வெளியிடவும் ஆவலுடன் தொடர்ந்து மருத்துவம் தவிர எழுத்திலும் இயங்கி வருகிறார்.

இவருக்கு இவ்விருதினை தருவதில் இவ்விருது தான் பெருமை அடைகிறது என்றால் மிகை ஆகாது. மேலும் அவர் சேவை சமூகத்துக்கு அதிகமா கிடைக்க மனமார்ந்த வாழ்த்துகள் 🙂

sasithra

Advertisements

5 Comments (+add yours?)

  1. pvramaswamy
    Dec 19, 2016 @ 04:21:51

    Great. Thanks for introducing a doctor, who leads a purposeful life, enables help to the needy.

    Reply

  2. GiRa ஜிரா
    Dec 19, 2016 @ 05:51:46

    மருத்துவர் சவிதாசசி அவர்களுக்கு மனமார்ந்த வாழ்த்துகள். பொறுப்பான சிறப்பான மருத்துவராக அவருடைய பணி தொடர வாழ்த்துகிறேன்.

    Reply

  3. kanapraba
    Dec 19, 2016 @ 11:02:50

    மருத்துவராகவும் சமூக வலைத்தளத்தில் அவ்வப்போது உடல் நலம் சார்ந்த குறிப்புகளையும் தரும் சமூக ஆர்வலராகவும் விளங்கும் இவரைத் தக்க சமயத்தில் விருதளித்தது வெகு சிறப்பு

    Reply

  4. UKG (@chinnapiyan)
    Dec 20, 2016 @ 03:07:35

    நன்றி அருமையான தேர்வு :)) எல்லா வகைகளிலும் பொருத்தமானவர். வாழ்த்துகள் உங்கள் இருவருக்குமே :))

    Reply

  5. Rajasubramanian S (@subramaniangood)
    Dec 20, 2016 @ 16:48:29

    டாக்டர் இவ்விருதுக்கு முற்றிலும் தகுதியானவர். என் கடன் பணி செய்து கிடப்பதே என்பதற்கிணங்க அனாவசியமான விஷயங்களில் தலையிடுவதில்லை. ஒரு நோக்கத்தோடு (goal) செயலாற்றுகிறார். சரியான நபரை தேர்வு செய்த உங்கள் திறமையும் பாராட்டுக்குரியது. இருவருக்கும் வாழ்த்துக்கள்.

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: