பாகுபலி 2 – திரை விமர்சனம்

பாகுபலி முதல் பாகத்தை விட பாகுபலி இரண்டாம் பாகம் நன்றாக உள்ளது. கதை சொல்வதில் அதிக நேர்த்தித் தெரிகிறது. ராஜ மௌலிக்கு முதல் பாகம் தந்த அனுபவம் எனக் கொள்ளலாம். தர்மத்துக்கும் அதர்மத்துக்கும் இடையே நடக்கும் போட்டி தான் இந்தப் படத்தின் மையக் கரு. அமரேந்திர பாகுபலியின் கொலையின் போது தர்மத்தைச் சூது கவ்வியது. அவரின் மகன் மகேந்திர பாகுபலி வில்லனை வீழ்த்தி இறுதியில் தர்மத்தை வெல்ல வைக்கிறார். ஜெய் மகிழ்மதி!

அந்தக் காலத்து மாயா பஜாரை இப்பொழுது எடுத்தால் எப்படி இருக்கும் என்பதை இரண்டாம் பகுதி பாகுபலியின் முதல் பாதி தோற்றுவிக்கிறது. குந்தள தேசம், அழகு தேவதை அனுஷ்கா {அது என்ன CG வித்தையான்னு தெரியவில்லை பல இடங்களில் அவர் அனுஷ்கா சாயலிலேயே இல்லை} அவரின் முறை மாமன் கேரக்டர், அமரேந்திர பாகுபலியாக பிரபாஸ், அவரின் துணைப் பாத்திரமாக கட்டப்பா {சத்தியராஜ்}, அந்தக் கால காமெடி நெடியுடனும் கதை அம்சத்துடனும் அம்புலிமாமா சித்திரக் கதை + fairy tale கலவையாக இடைவெளி வரை சிரமமில்லாமல் கதை நகருகிறது. முதலில் கண்ணை உறுத்தும் CG போகப் போக அழகான காட்சிகளாக விரிகிறது. பிரம்மாண்டமான படைப்பு. பல குழுக்களின் ஒத்துழைப்புடனும் கடும் உழைப்புடனும் அழகிய படைப்பாக வெளிவந்துள்ளது.

அனுஷ்கா பிரபாஸ் காதல் காட்சிகள், ஆடல் பாடல் எல்லாமே விரசமில்லாமல் அழகாகப் படமாக்கப்பட்டிருக்கிறது. ஆடை அலங்காரம் வெகு அழகு! வீர மங்கையாக முதலில் இருந்தே அனுஷ்காவை சித்தரித்து இருப்பது அவர் பாத்திரத்துக்கும் கதையின் ஓட்டத்துக்கும் வலு சேர்க்கிறது. அனுஷ்கா, ரம்யா கிருஷ்ணன் இரு பெண் பாத்திரங்களும் பலமானவர்களாகவும், மிகவும் சக்தி வாய்ந்த பாகுபலி, கட்டப்பா, பல்வாள் தேவன் பாத்திரங்களுக்கு இணையாகவும் படைத்திருப்பது இந்தப் படத்தில் போற்றப் பட வேண்டிய விஷயம்.

வல்லவனுக்குப் புல்லும் ஆயுதம். பாகுபலிக்கு பனையும் ஏவுகணை! போர் வியுகங்களை முதல் பாகத்தை விட இரண்டாம் பாகத்தில் சிந்தித்து அமைத்திருக்கிறார் ராஜ மௌலி. பெரும் படையை எப்படி சிறு படை அல்லது பயிற்சி இல்லாத மக்கள் எதிர்க்க முடியும் என்பதை நம்ப முடியாவிட்டாலும் நடக்கும்படியான உக்திகளுடன் கதையை நகர்த்திச் செலுத்துகிறார். படத்தில் எந்த இடத்திலும் தொய்வு இல்லை. ஆனால் கடைசியில் பாகுபலி எப்ப தான் பல்வாள் தேவனை கொன்று முடிப்பார் என்று நினைக்கும் அளவுக்கு சண்டைக் காட்சிகள் நீள்கின்றன! படையப்பாவில் ரஜினியிடம் லட்சுமி ரொம்ப நேரம் ஆக்காமல் வந்துவிடு என்று சொல்லிவிட்டு செல்வது போல் இங்கு அனுஷ்காவும் பிரபாசிடம் சொல்லி விட மாட்டாரா என்று தோன்றுகிறது!

அனைத்து நடிகர்களும் மிகவும் நன்றாக நடித்திருக்கிறார்கள். பிரபாசுக்கு இந்தப் படம் ஒரு மாஸ்டர் பீஸ்! ராஜ மாதாவின் கணவனாகவும் பலவாள் தேவனின் தந்தையாகவும் வரும் நாசருக்கும் பெரிய பாத்திரம். அவரும் பல்வாள் தேவனாக ராணா டக்குபாட்டியும் சிறப்பாக செய்திருக்கிறார்கள். துணை நடிகர்கள் எப்பொழுதும் ஒரு அதிர்ச்சிக் கலந்த முகத் தோற்றத்துடன் படம் முழுக்கக் கும்பலாக வருகின்றனர். கட்டப்பா ஏன் பாகுபலியைக் கொன்றார் என்கிற கேள்வி ரொம்ப ஹைப் தான். அதன் காரணத்தில் எதிர்பாராத ட்விஸ்ட் எல்லாம் இல்லை. ஆனால் கதைக்குத் தகுந்தபடி காரணம் அமைத்திருக்கிறது. இசை மரகத மணி. பாடல்களில் அவர் சோபிக்கவில்லை. ஆனால் பின்னணி இசையை பிரம்மாண்டமாக அமைத்திருக்கிறார்.

இப்படத்தில் பணி புரிந்த எல்லா தொழில் நுட்பக் கலைஞர்களும் பிராமதமாக பங்களித்திருக்கிறார்கள். கதைச் சொல்லியாக ராஜ மௌலி பிரகாசிக்கிறார். குடும்பத்துடன் பார்க்க வேண்டிய நல்ல ஒரு படைப்பு பாகுபலி2.

Advertisements

7 Comments (+add yours?)

  1. UKG (@chinnapiyan)
    May 03, 2017 @ 01:30:03

    95 விழுக்காடு புகழ்ந்து பாராட்டி விமர்சித்துள்ளீர்கள். அப்புறம் என்ன, படம் பார்த்திட்டு வந்து சொல்றேனே 🙂
    நன்றி மாதாஜி :))

    Reply

  2. @priyakathiravan
    May 03, 2017 @ 06:23:21

    //படையப்பாவில் ரஜினியிடம் லட்சுமி ரொம்ப நேரம் ஆக்காமல் வந்துவிடு என்று சொல்லிவிட்டு செல்வது போல் இங்கு அனுஷ்காவும் பிரபாசிடம் சொல்லி விட மாட்டாரா என்று தோன்றுகிறது!// :))))))))))))))))))))) எனக்கும் இது தோனுச்சு 🙂

    Reply

  3. GiRa ஜிரா
    May 03, 2017 @ 07:36:54

    பிரம்மாண்டங்களுக்காக ஒரு முறை பார்க்கலாம். வேறு எதற்காகவும் அல்ல. மரகதமணியின் பின்னணி இசை அட்டகாசம்.

    Reply

  4. RAJASUBRAMANIAN SAMBASIVAM
    May 03, 2017 @ 14:08:30

    முதல் பாகம் பிடித்திருந்தது. எனவே இதையும் பார்க்க உத்தேசம். உங்கள் விமரிசனம் விரைவில் பார்க்கத் தூண்டுகிறது.

    Reply

  5. D. Devaraj Edwin
    May 04, 2017 @ 02:27:45

    அனைவரின் கருத்தையும் பிரதிபலித்தது உங்கள் விமரிசனம். நன்றி.

    Reply

  6. Justin
    May 04, 2017 @ 11:18:57

    அருமையான வீடியோ-கேம் ஒன்றை, பாகவதர் காலத்து நாடக வசனத்துடன் பார்த்த திருப்தி – பாகுபலி 2.

    Reply

  7. UKG (@chinnapiyan)
    May 23, 2017 @ 18:12:12

    படம் பார்த்தாச்சு. உண்மையிலே பெரிய திரையில் பார்கவேண்டிய படம்தான். எல்லாமே பிரமாண்டமா இருந்தது. உங்கள் விமர்சனம் கனகச்சிதம் :)) வாழ்த்துக்கள் :))

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: